Martes, Hulyo 06, 2004

Tindi ng Araw

Masaya ang drama seminar kanina. May pagka-acting ang ginawa namin. Sasabihan namin ang isang o dalawang kagrupo na gawin ang isang bagay. Ang punto ng buong ehersisyo ay ipakita ang pagkakaiba ng simpleng paggalaw lang sa isang tunay na gawa na may intensiyon o gusto. Nakakatuwa kasi ako palagi ang aktor na pinag-uutusan.

Biglaan ang pag-ulan. Nagpahinga lang ako sa condo kasi alas tres pa ang klase ko sa Philosophy. Tapos ay biglaan nalang ang pagkulog at pagkidlat, at pagtingin ko sa labas ay sumabay na rin ang ulan. Hindi nga naman dumating ang bagyo. Pero nang bumaba ako ay tumigil na ang ulan. Parang nakikipag laro ng taguan ang ulan sa akin. Pero maganda din ang ulan dahil lumamig naman ng kaunti ang panahon. Hindi kagaya ng mga araw na napakalagkit ng hangin. Parang nalinis ang hangin dahil sa ulan. Ang sarap.

Walang komento: