Lunes, Disyembre 31, 2007

Meditasyon at Premonisyon

Ito ang sinulat ko noong bago mag-Bagong Taon noong nakaraang taon:

Pagkatapos ng tatlong nakakapagod na araw, nagising ako kaninang tanghali ng may pagkabagabag. Hindi ko alam kung ano. Basta. Hindi ako mapakali. Parang may darating, mangyayari, o kung ano mang mahalaga na dapat kong paghandaan pero hindi naman ako sigurado kung paano dahil hindi ko naman alam kung ano iyon. Hindi ako makatutok sa mga ginagawa ko. Sana pakiramdam lang ito at lumipas na. At kung may darating, dumating na. Dahil hindi ako ang tipo ng taong nagpapakataranta.

At kung babalikan ko ang nakaraang taon at ihahambing sa mga sinabi kong ito, parang ganito na rin ang pakiramdam ko sa nakalipas na taon. Hindi ako taranta nitong nakalipas na taon. Kagaya nga ng sinabi ko, hindi naman ako yung ganoong tipo ng tao. Parang lumipas ang taon na mayroong hinihintay na mangyari pero hindi naman nangyari. Kung mayroon naman akong sinisimulan, katulad sa aking pagsusulat, karamihan ay hindi ko natatapos. Parang isang malaking "Wala lang" ang buong taon. Maliban sa ilang mga munting pangyayari, katulad ng paglalathala ng dalawang kuwento, ang pagiging sabit sa 7th ANWW at ang iba pang mga mumunting okasyon, pakiramdam ko'y parang dapat na napakaraming nangyari pa nitong 2007 na hindi nangyari. Hindi ko alam kung dahil tatanga-tanga lang ako o hindi ko lang talaga hinahabol ang mga oportunidad na napapadaan diyan. At kagaya ng sinabi ko noon, hindi malinaw sa akin nang mga panahong iyon kung anong mangyayari sa 2007. May nais akong mangyari sa 2007 na hindi nangyari. May inaasahan akong mangyari na hindi nangyari.

Pero ngayong taong 2008, tila mas malinag sa akin kung ano ang nais kong mangyari, ang nais kong gawin. Kung pag-iigihin ko, matatapos ko na ang aking Masters sa susunod na school year. Inaasahan ko ang 2008 na maging mahalagang taon para sa akin. Inaasahan kong sa 2008 ko pagdedesisyonan ang ilang mga mahahalang pagpapasya na makaaapekto sa aking buhay sa susunod na mga taon. Hindi naman manghuhula kaya mahirap sabihin kung ano sa partikular. Inaasahan ko lang naman. Ang malaking bahagi pa rin para mangyari ang gusto kong mangyari sa nasa sarili ko. Yung paghirapang makamit iyong mga gusto kong mangyari, yung gusto kong gawin. Tama na siguro ang patanga-tanga. Panahon na para tumanda.

Bago Magtapos ang Taong Ito...

...isang pagtatagpo.



Unang dumating sina Danny at Elmer. At gaya ng kinagawian mula pa noong high school...



...naglaro kami sa Playstation ng NBA Street at Virtua Fighter.



At sumunod si Gino.



Ilang minuto pagkadating ni Gino, dumating na sina Aina at Tonet, na makikita ditong binabasa ang isang kopya ng "Mga Kuwentong Paspasan." (Plug!)



Dumating naman si Lulu, na may hawak ng "Mga Kuwentong Paspasan" (Plug ulit!)...



...at si Pao.



Sinundo naman namin ni Pao si Carla sa may Petron sa labas ng barangay. At dahil dumating na ang lahat...



...binigay ko na ang mga regalo ko sa kanila. Binigyan ko si Carla ng kopya ng "Ang Sandali ng mga Mata"...



...kay Aina ay "Kuwadro Numero Uno"...



...kay Lulu ay "Smaller and Smaller Circles"...



...kay Tonet ay "Sandali"...



...kay Danny ay "Sa mga Kuko ng Liwanag," kay Pao ay "The Firewalkers," kay Gino ay "My Sad Republic" at kay Elmer ay "Utos ng Hari at Iba Pang Kuwento."



At nag-inuman na kami...



...nagkuwentuhan...



...nagpiktyuran...



...at nagkulitan. At pagkatapos ng kaunting pahinga...





...nag-agahan na.

Sana marami pang mga pagsasama ang mangyari sa 2008.

Miyerkules, Disyembre 19, 2007

More Random Stuff

1.

Inaamin ng isang opisyal sa Japan na tunay ang mga UFO. Mayroon kayang opisyal sa Pilipinas ang aaming naniniwala siya sa manananggal?

2.

Langyang laking daga iyan!

3.

Pwede rin palang mamolestiya si Santa Claus.

4.

Kung ano ang ibig sabihin ng isang masamang araw sa beach.

5.

Nagbibigay ng bagong kahulugan kung ano ang ibig sabihin ng SPAM sa email.

6.

Ito nga kaya ang nangyari kay Michael Jackson?

7.

May long test ako nang 3:30 ng hapon.

8.

Baka umuwi na ako bukas sa San Pablo para sa Christmas break. Baka sumabay ako sa pagsundo kay Dad sa airport at diretsong uwi na kami.

Martes, Disyembre 18, 2007

Random Things

1.

Terry Eagleton sounds so eloquent in this interview. Naintriga tuloy ako na basahin ang kanyang mga libro.

2.

Let's go Medieval!

3.

Talking about black holes and galaxies excites me.

Linggo, Disyembre 16, 2007

Books

1.

Nalaman ko kahapon na binabasa pala ni Sir Allan ang blog ko. (Hi, Sir!) Naku, kailangan kong ingatan ang sinasabi ko dito. Ang pogi-pogi talaga na Sir Allan Popa. :D

But seriously, bagaman medyo nahapit ang oras namin sa pagdi-discuss sa mga tula ni Elizabeth Bishop, nag-enjoy kami sa mga tula niya sa "Geography III." Hindi maiwasan ni Jason na tumawa sa ilang mga tula. Para naman kay Nikka, gusto raw niyang yakapin si Elizabeth Bishop pagkatapos mabasa ang mga tula. Suggestion ko sa kaniyang hukayin ang bangkay ni Elizabeth Bishop, na nakalibing sa Worcester, Massachusetts, at saka niya yakapin. Although medyo weird iyon kasi lesbian si Elizabeth Bishop. Kahit pa, enjoy talaga mga tula niya. Sayang nga lang at walang kopya ng kahit anong koleksiyon niya sa Rizal Lib.

2.

Nakakita na ako ng mga kopya ng "Mga Kuwentong Paspasan" sa National at Powerbooks. Bili ka sana, implied reader ng blog ko. (Bili ka rin, Sir Allan. :D) Kasama ko sina Kael Co, Caty Bucu, Chan Mamforte at iba pang mga manunulat. Ito yung listahan ng mga manunulat na pinost ni Vicente Groyon, ang editor, tungkol sa "Mga Kuwentong Paspasan" at ang partner anthology sa Ingles, ang "Very Short Stories for Harried Readers":

Mga Kuwentong Paspasan (MIlflores Publishing). A collection of 30 short short stories in Filipino. Edited by Vicente Garcia Groyon. Featuring stories by: Karla Maria M. Fabon, Mikael de Lara Co, Zosimo Quibilan Jr., Dawn Aguila, Sarah Grutas, Reyna Mae Tabbada, Elyrah Loyola Salanga, Vlad Gonzales, Eugene Y. Evasco, JLS Esguerra, Hilda Rosca Nartea, Princess Pesig Pagsuyuin, Christoffer Mitch Cerda, Kristian G. Mamforte, Adam David, Alison L. Segarra, Mithi R. Sevilla, Adam Cornelius Bejer Asin, MA Cruz, Ed Maranan, Axel Pinpin, U Z. Eliserio, Mark Angeles, Enrico C. Torralba, Vincent Jan Cruz Rubio, Mykel Andrada, Caty Bucu, Chuckberry J. Pascual, Soleil Erika Manzano, and Louie Jon A. Sanchez.

Very Short Stories for Harried Readers (Milflores Publishing). A collection of 41 short short stories in English. Edited by Vicente Garcia Groyon. Featuring stories by: Anna Felicia C. Sanchez, Sandra Nicole Roldan, Rodrigo V. Dela Peña Jr., Prospero E. Pulma Jr., Francezca C. Kwe, Lawrence L. Ypil, Sharmaine Galve, Raymund P. Reyes, Flori Maximo, Catherine Candano, Pam Punzalan, Ayn Frances dela Cruz, Christian Tablazon, Ana Maria S. Villanueva, Libay Linsangan Cantor, Andrea Pasion, Cecille La Verne de la Cruz, Daryll Delgado, Anne Lagamayo, Jamina Jugo, Karen Manalastas, O. Bryan Alvarez, Danton Remoto, Jhoanna Lynn B. Cruz, Bj A. Patiño, Joshua L. Lim So, John Bengan, Carljoe Javier, Jose Claudio B. Guerrero, Mark Ponce, Timothy Montes, Faye Ilogon, Apol Lejano-Massebieau, Jerome Chua, Vicente Garcia Groyon, Jean Claire A. Dy, Celeste Flores-Coscolluela, Anna Chua, Irwin Allen B. Rivera, Paul S. de Guzman, and Eliza A. Victoria.

Martes, Disyembre 11, 2007

Pulikat

1.

Tapos na ang transcript para sa 7th ANWW. 99% at least. Kailangan ko pa siya sigurong pasadahan nang isang beses para maayos ang mga typos at kung ano pa. Naibigay ko na nga kanina ang kopya noon nang hindi pinapasadahan para sa pag-e-edit. Inaantok na kasi ako noon. Labindalawang oras lang ang tulog ko nang nakalipas na tatlong araw. Kaya naging atat ako sa pagpasa ng kopya madami-dami pang typos. Daan na lang ako bukas sa dept ulit para ibigay ang pinakamaayos na bersiyon. 123 pages nga pala ito.

2.

Bilang regalo sa aking (nearly) job well done, dumaan ako ng Ateneo Press para bumili ng ilang libro. Sale sila ngayon para sa Pasko. Hanggang Biyernes ang sale. Bumili ako ng "Waiting For Mariang Makiling" ni Resil Mojares, "A Bruise of Ashes" ni Carlos Angeles at "Common Continent" ni Linda Ty-Casper.

3.

Hindi ko pa nababasa ang mga librong kailangan kong gawan ng papel para sa klase ni Sir Mike at hindi ko pa tapos basahin ang "Geography III" ni Elizabeth Bishop para sa klase ni Sir Allan Popa. Medyo frustrating pero okey lang. Ganyang lang talaga.

4.

Umidlip ako kanina nang mga apat na oras at nagising na pinupulikat ang kanan kong binti. Masakit pa rin hanggang ngayong nagta-type nito.

Huwebes, Disyembre 06, 2007

"Wala akong problema kung ano siya basta masaya." - Allan Popa

1.

The Loyola Schools' Awards for the Arts (LSAA), formerly called the Dean's Awards for the Arts, are presented each year to seniors of the Loyola Schools who have done outstanding work in the arts.

The Awards recognize the students' artistry as expressed in the style and vision of outputs and achievements in the following categories: creative writing (poetry, fiction, literary essay, and playwriting) , theatre arts, screen arts, visual arts(painting, photography, graphic design, and illustration) , music and dance.

An LSAA Committee composed of faculty members of the Loyola Schools will evaluate the entries and determine awardees for each category.

Nominations in the different artistic categories are now being accepted by the Committee. To be eligible, a nominee must be a student of the Loyola Schools in his or her senior or fifth year. Nomination letters addressed to the Committee may be sent to the School of Humanities Dean's Office or e-mailed to this address: humani@admu. edu.ph.

Eligible nominees are required to submit the following documents to the School of Humanities Dean's Office, ground floor, Horacio de la Costa Hall:

1. A portfolio representing a body of works done over the last four years

2. An updated resume

3. A duly accomplished personal data sheet to be obtained from the SOH Dean's Office, and submitted to the same office. The data sheet can also be downloaded from the Ateneo de Manila University website here.

The deadline for submission of portfolios, data sheets and nomination letters is on Monday, 21 January 2008, at 5:00 p.m. (Only Ateneo faculty members and/or students may nominate candidates for the Awards.) This deadline is final. The announcement of awardees will be made on Tuesday, 26 February 2008. The awardees will receive a plaque during a ceremony on Wednesday, 12 March 2008.

2.

Noong Martes, nanood ako sa Henry Lee Irwin ng mga short film mula Cinemalaya. fund raising iyon para sa AILAP kung hindi ako nagkakamali. Libre lang akong nakapanood. Pero nakakahiya naman na manonood lang ako. Kaya nakitulong na rin sa magtawag sa mga estudyante, magpunit ng mga ticket at kung ano-ano pa. Nakakita ko pa si Rica Parelejo. Masayang panoorin ulit ang "Rolyo" at "Nineball." Weird ang "Gabon" habang cute ang "Toni." Siyempre bentang-benta sa mga estudyante ang "Nineball."

Sige, balik na ako sa transcription.