Mga Usapin Tungkol sa Bundok

1.

Mountain Dialogue
Li Po

You ask why I've settled in these emerald mountains,
and so I smile, mind at ease of itself, and say nothing.

Peach blossoms drift streamwater away deep in mystery:
it's another heaven and earth, nowhere among people.

translated by David Hinton

2.

Kung Dadayo Dito sa San Pablo si Kaibigang Kael

Galing sa iisang araw ang init na humahagupit
dito sa Bayan ng San Pablo at maging diyan, Kaibigan.
Subalit iba ang ginhawa ng lilom ng punong
nakatanim sa bawat bakuran, mga bantay at saksi
sa mga naghahanap ng matatahanan at masisilungan.

Kung mapapadayo ka dito, pupunta tayo sa tabing-ilog
at doon tayo mag-iinuman ng kung ano mang dala mo.
At doon natin pakikinggan ang huni ng mga kuliglig
bagaman hindi malungkot ang kanilang awit
dahil pinagpupugay nila ang aliwalas ng gabi.

Sa mga panahon ng tag-init, mainam na maligo sa ilog,
tubig na kasing lamig ng yelo, galing sa sinapupunan
ng natutulog na bulkan. Sabi mo, mayroong bundok
sa dibdib mo. Sa haraya ko'y may sarili iyang bukal
na kumakalinga sa bawat alaalang iyong tinatamasa.