1.
Narito ako ngayon sa San Pablo. Sa totoo lang noong isang linggo pa. Dahil wala akong klase noong isang linggo, naisip kong umuwi. (Kaya pasensiya sa mga tao kung hindi ako nakapanlibre sa aking kaarawan.)
Nakakatuwa nga't habang narito ako, nagkakagulo sa Metro Manila para sa paghahatol kay Erap. Naaalala ko tuloy ang third year ko noong high school noong EDSA 2. Yung alam mong may nangyari doong mahalaga pero narito ka nanonood lang at nagmamatiyag. Ganoon lang talaga ang katotohanan ng laylayan at ng gitna.
2.
Finalist nga pala si Twinkle para sa Maningning Miclat Awards. Kongrats at good luck sa kanya. Hindi ko pa nga pala nababati si Debbie dito, ka-fellow ko noong Ateneo National, sa kanyang panalo sa Palanca. Yun pang dula niyang pinag-usapan namin sa palihan ang nanalo. Nakakainggit kasi parang wala akong pinupuntahan. Pero natutuwa ako para sa kanila kasi nakikilala sila at palagi namang masayang makita ang magandang mga pangyayari sa mga kaibigan.
Belated Happy Birthday nga pala kay Margie!
Mag-subscribe sa:
I-post ang Mga Komento (Atom)
Walang komento:
Mag-post ng isang Komento